ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՏԱՐԱԾՔԱՅԻՆ ԿԱՌԱՎԱՐՄԱՆ և ԶԱՐԳԱՑՄԱՆ ՆԱԽԱՐԱՐՈՒԹՅՈՒՆ </br>ՄԻԳՐԱՑԻՈՆ ԾԱՌԱՅՈՒԹՅՈՒՆ

Պիլոտային նախագիծ 1-ի անօրինական միգրացիա թեմայով մեկնարկային սեմինար Լվովում

2012-11-12

 

Ս/թ նոյեմբերի 8-ից 9-ը Լվովում Լեհաստանի նախագահությամբ տրվեց Պրահյան գործընթացի Թիրախային նախաձեռնության շրջանակներում Պիլոտային նախագիծ 1-ի անօրինական միգրացիայի հարցերով սեմինարի մեկնարկը, որը համատեղ իրականացվում է Ռումինիայի և Սլովակիայի հետ: Սեմինարին մասնակցում էին 15 երկրների և 2 կազմակերպությունների ներկայացուցիչներ: Հայաստանից հանդիպմանը մասնակցում էր Միգրացիոն պետական ծառայության արտաքին կապերի բաժնի առաջին կարգի մասնագետ Էդգար Խաչատրյանը:

Սեմինարի ընթացքում ներկայացվեցին ռեադմիսիայի և միգրանտների վերադարձի իրավական և կիրառական տեսանկյունները, խոսվեց ռեադմիսիայի և վերադարձի ոլորտներում ՄՄԿ-ի կողմից երկրներին տրվող օժանդակության մասին: Մասնակից երկրների ներկայացուցիչները խոսեցին իրենց երկրների միգրացիոն պրոֆիլներից՝ հիմնական շեշտը դնելով անօրինական միգրացիայի վրա, մասնավորապես վերադարձի քաղաքականությանն ու հետընդունմանը: Քննարկվեցին նաև նախագծի աշխատանքային պլանին և մեթոդներին վերաբերող հարցեր, հնչեցին առաջարկներ:

Նախագիծը հիմնականում ուղղված է մասնակից պետությունների ներուժի ամրապնդմանն անօրինական միգրացիայի դեմ պայքարի ոլորտում՝ ռեադմիսիայի և վերադարձի վերաբերյալ գիտելիքների փոխանակման ճանապարհով: Այն տեղեկատվության և փորձի փոխանակման հնարավորություն է տալիս մի շարք սեմինարների և դեպի ԵՄ երկրներ ուսումնական այցերի միջոցով: Նախագծի իրականացման համար նախատեսվում է անցկացնել 3 թեմատիկ սեմինարներ և եզրափակիչ հանդիպում:

 


Warning: Unknown: open(/var/lib/php/session/sess_ttddf2n6c0qc23qvcjs3c31dk3, O_RDWR) failed: No space left on device (28) in Unknown on line 0

Warning: Unknown: Failed to write session data (files). Please verify that the current setting of session.save_path is correct (/var/lib/php/session) in Unknown on line 0