ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՏԱՐԱԾՔԱՅԻՆ ԿԱՌԱՎԱՐՄԱՆ և ԶԱՐԳԱՑՄԱՆ ՆԱԽԱՐԱՐՈՒԹՅՈՒՆ </br>ՄԻԳՐԱՑԻՈՆ ԾԱՌԱՅՈՒԹՅՈՒՆ

Բուդապեշտյան գործընթացի շրջանակներում հանդիպում Անկարայում

2012-12-14

Ս/թ դեկտեմբերի 10-11-ը Անկարայում տեղի ունեցավ Բուդապեշտյան գործընթացի շրջանակներում 5-րդ նախարարական համաժողովի («Միգրացիայի ոլորտում Մետաքսե ճանապարհի գործընկերություն») 2-րդ նախապատրաստական հանդիպումը, որին մասնակցում էին 40-ից ավել երկրների և 7 կազմակերպությունների ներկայացուցիչներ: Հայաստանից հանդիպմանը մասնակցում էր Միգրացիոն պետական ծառայության արտաքին կապերի բաժնի առաջին կարգի մասնագետ Էդգար Խաչատրյանը:

 Հանդիպման ընթացքում ամփոփվեցին նախապատրաստական 1-ին հանդիպման ժամանակ ձեռք բերված պայմանավորվածությունները, որոշ կառուցվածքային և բովանդակային փոփոխություններ արվեցին 2013թ. ապրիլի 19-ին կայանալիք 5-րդ նախարարական համաժողովի կոմյունիկեի նախագծում, քննարկվեցին Բուդապեշտյան գործընթացի ներկայիս ձևաչափի վերաբերյալ հարցեր, խոսվեց նախարարական համաժողովից հետո իրականացվելիք քայլերի, ինչպես նաև այլ լրացուցիչ դերակատարների ընդգրկման մասին:

 Հանդիպման ավարտին ներկայացուցիչները պատրաստակամություն հայտնեցին համագործակցել նաև հաջորդ նախապատրաստական հանդիպման ժամանակ, որը տեղի է ունենալու 2013թ. մարտի 4-5-ին Բուդապեշտում:

 


Warning: Unknown: open(/var/lib/php/session/sess_nr8dh4tt6a6n38dji3j4pll885, O_RDWR) failed: No space left on device (28) in Unknown on line 0

Warning: Unknown: Failed to write session data (files). Please verify that the current setting of session.save_path is correct (/var/lib/php/session) in Unknown on line 0