ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՏԱՐԱԾՔԱՅԻՆ ԿԱՌԱՎԱՐՄԱՆ և ԶԱՐԳԱՑՄԱՆ ՆԱԽԱՐԱՐՈՒԹՅՈՒՆ </br>ՄԻԳՐԱՑԻՈՆ ԾԱՌԱՅՈՒԹՅՈՒՆ

Քննարկում ՀՀ-ում ապաստան հայցողների վերաբերյալ

2014-05-23

    

Սույն թվականի մայիսի 21-ին Երևանի «Գոլդեն թյուլիփ» հյուրանոցում կայացավ քննարկում ՀՀ-ում ապաստան հայցողների բացահայտման և ուղղորդման մեխանիզմի զարգացման վերաբերյալ: Հանդիպումը կազմակերպել էր ՄԱԿ ՓԳՀ-ն՝ Եվրոպական միության կողմից ֆինանսավորվող «Արևելյան Եվրոպայում և Հարավային Կովկասում ապաստանի համակարգերի որակի նախաձեռնություն» տարածաշրջանային ծրագրի շրջանակներում:

Նման մեխանիզմի կատարելագործումը բխում է Հայաստանի ապաստանի համակարգի վերաբերյալ վերը նշված ծրագրի շրջանակներում վերջերս հրատարակված զեկույցում արված առաջարկությունից: Առաջարկությունը հիմնված է այլ պետությունների փորձի վրա, որը ցույց է տալիս, որ միջազգային պաշտպանության կարիք ունեցող անձանց հետ աշխատելու վերաբերյալ մանրասման ուղեցույցների առկայությունը էական նշանակություն ունի չվերադարձելիության սկզբունքի պահպանման և ընդունելության պատշաճ պայմանների ապահովման համար:

Հանդիպմանը բացման խոսքով հանդես եկան ՀՀ ՏԿՆ միգրացիոն պետական ծառայության պետ պարոն Գագիկ Եգանյանը, ՀՀ-ում ԵՄ պատվիրակության ներկայացուցիչ պարոն Դավիթ Ավագյանը, ՄԱԿ ՓԳՀ ներկայացուցիչ պարոն Քրիստոֆ Բիրվիրթը և տարածաշրջանային ծրագրի համակարգող պարոն Օլեգ Ժդանովը: Հանդիպմանը մասնակցում էին Միգրացիոն պետական ծառայության, սահմանապահ զորքերի, ոստիկանության, մարդու իրավունքների պաշտպանի գրասենյակի, արդարադատության նախարարության, ինչպես նաև մի շարք միջազգային և հասարակական կազմակերպությունների ներկայացուցիչներ:

 


Warning: Unknown: open(/var/lib/php/session/sess_tkoc9cpjia04ot85k8qtv5gli7, O_RDWR) failed: No space left on device (28) in Unknown on line 0

Warning: Unknown: Failed to write session data (files). Please verify that the current setting of session.save_path is correct (/var/lib/php/session) in Unknown on line 0