ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՏԱՐԱԾՔԱՅԻՆ ԿԱՌԱՎԱՐՄԱՆ և ԶԱՐԳԱՑՄԱՆ ՆԱԽԱՐԱՐՈՒԹՅՈՒՆ </br>ՄԻԳՐԱՑԻՈՆ ԾԱՌԱՅՈՒԹՅՈՒՆ

Չինացի դիվանագետների այցը ՀՀ ՏԿԱԻՆ միգրացիոն պետական ծառայություն

2016-02-23

    

   Ս.թ. փետրվարի 23-ին ՀՀ ՏԿԱԻՆ միգրացիոն պետական ծառայությունում տեղի ունեցավ ծառայության պետ պարոն Գագիկ Եգանյանի և ՀՀ-ում Չինաստանի դեսպանության խորհրդական պարոն Գօ Յույի և հյուպատոս պարոն Վանգ Ֆենգի հանդիպումը:

 Հյուրերը հայտնեցին, որ նախատեսված է Չինաստանի քաղաքացի հանդիսացող շինարարների խմբի այցելություն Հայաստան` շինարարական գործունեություն իրականացնելու նպատակով, և այդ կապակցությամբ հետաքրքրված են օտարեկրացիներին ՀՀ-ում աշխատանքի թույլտվության և կացության կարգավիճակի տրամադրման օրենսդրական կանոնակարգումներով:

 Պարոն Գ.Եգանյանը ներկայացրեց օտարերկրացիների աշխատանքի  վերաբերյալ ՀՀ օրենսդրությունը և պատրաստակամություն հայտնեց ծառայության իրավասությունների շրջանակներում ցուցաբերել աջակցություն:

 Դիվանագետների խնդրանքով ներկայացվեց նաև Սիրիայից Հայաստան ժամանած անձանց պաշտպանության տրամադրման մեխանիզմները, հասարակության մեջ նրանց ինտեգրմանն ուղղված քայլերը և առկա խնդիրները:

 Հանդիպման արդյունքում կողմերը կարևորեցին միգրացիայի ոլորտում Հայաստան-Չինաստան համագործակցությունը: 

 


Warning: Unknown: open(/var/lib/php/session/sess_ulkktej8uglibir180njkj8j21, O_RDWR) failed: No space left on device (28) in Unknown on line 0

Warning: Unknown: Failed to write session data (files). Please verify that the current setting of session.save_path is correct (/var/lib/php/session) in Unknown on line 0