ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՏԱՐԱԾՔԱՅԻՆ ԿԱՌԱՎԱՐՄԱՆ և ԶԱՐԳԱՑՄԱՆ ՆԱԽԱՐԱՐՈՒԹՅՈՒՆ </br>ՄԻԳՐԱՑԻՈՆ ԾԱՌԱՅՈՒԹՅՈՒՆ

Պրահյան գործընթացի շրջանակներում կազմակերպված ավագ պաշտոնատար անձանց հանդիպում Վարշավայում

2012-04-04

 Պրահյան գործընթացի շրջանակներում Լեհաստանի մայրաքաղաք Վարշավայում կազմակերպված ավագ պաշտոնատար անձանց հանդիպմանը, որը կայացել է 2012թ. ապրիլի 2-ից 3-ը, Հայաստանից մասնակցում էր տարածքային կառավարման նախարարության միգրացիոն պետական ծառայության միգրացիոն քաղաքականության բաժնի պետ Համբարձում Աբրահամյանը: Հանդիպման ժամանակ ներկայացվեցին չորս կոնկրետ ուղղություններով իրականացվելիք փորձնական ծրագրերի հիմնական բաղադրիչները, որոնք մասնավորապես կուղղվեն սեմինարների և ուսուցողական այցերի կազմակերպման, ինչպես նաև ձեռնարկների մշակման միջոցով համապատասխան ուսուցանողների պատրաստմանը, որոնք էլ իրենց հերթին տեղում կնպաստեն միգրացիոն խնդիրներով զբաղվող մյուս աշխատակիցների հմտությունների զարգացմանը: Առանձին միջոցառումների համար նշվեցին կատարման հստակ վայրեր ու ժամկետներ: Հանդիպմանը քննարկվեց նաև ազգային կոնտակտային անձանց ցանցերի ձևավորման հարցը: Պրն. Աբրահամյանը հանդես եկավ Պրահյան գործընթացի անդամ երկրների հետ համագործակցության հայաստանյան զարգացումների վերաբերյալ զեկույցով:

 


Warning: Unknown: open(/var/lib/php/session/sess_as8eukgbu5rvkrnr3mfknunhp2, O_RDWR) failed: No space left on device (28) in Unknown on line 0

Warning: Unknown: Failed to write session data (files). Please verify that the current setting of session.save_path is correct (/var/lib/php/session) in Unknown on line 0